Пернебай Дүйсенбин – Өмір-иірім

Халықаралық “Алаш” әдеби сыйлығының лауреаты Пернебай Дүйсенбиннің “Өмір-иірім” романы композициялық құрылым тұрғысынан да, жанрлық сипаты жағынан да әдеттегі шығармалардан бөлекшелеу бағытта жазылған. “Көне иірім” , “Қоңыр иірім”, Беймаза иірім”, Тұңғиық иірім”, “Қанды иірім”, “Тұнық иірім” атты алты бөлімнен тұратын романға әр алуан сипаттағы, әр бөлек кезеңдегі адамдар тағдыры арқау етілген. Кей тұста әңгімелік , кей тұста новеллалық, арагідік деректік реңкте, тәмсілдік тәсілмен жазылған шығармалар, бейнелеу тілімен айтсақ, өмір атты үлкен өзеннің сан құбылған иірімдері шығарма кейңпкерлерінің тағдыр-талайымен үндесіп, астарласып жатады. Сондықтан да осынау шығарма жанрының роман-мозайка атану себебін оқырмандарымыздың зерделейтіндігіне сеніміміз мол. Бұл жайт жазушының “Оқырмандарға арнау сөзінде” кеңінен баяндалады. Романның тілдік бояуы қанық, қызғылықты оқылады.